Ո՞ր մթերքներն են ամենաօգտակարը մեր մաշկի համար. news.am

Շատերը մասնագետներին հարցնում են, թե հատկապես որ մթերքներն են օգտակար մաշկի համար: Մասնագետները հիմնականում պատասխանում են, որ մաշկի համար օգտակար են այն մթերքները, որոնք օգտակար են նաև ամբողջ օրգանիզմի համար՝ չէ՞ որ մաշկի վիճակը հիմնականում արտացոլում է մարդու ընդհանուր առողջական վիճակը:

Քլիվլենդի կլինիկայի մասնագետները ներկայացրել են մի քանի մթերք, որոնք օգտակար են թե՛ ամբողջ օրգանիզմի, թե՛ մաշկի համար:

Ձուկ

Օմեգա-3 ճարպաթթուները նվազեցնում են տրիգլիցերիդների մակարդակն ու օգնում պայքարել բորբոքման դեմ: Նրանք նաեւ պահպանում են կոլագենները, դրանով իսկ մաշկը դարձնելով ավելի ձիգ: Օմեգա-3 ճարպաթթուների լավագույն աղբյուրը ձուկն է, հատկապես .

•     սաղմոն
•     լճի իշխան,
•     սարդինա եւ անչոուս,
•     թյունիկ,
•     ատլանտյան թառափ,
•     ճարպաթթուների բուսական աղբյուրները:

Ճարպաթթուները, որոնց անդրադարձանք, կան նաեւ որոշ բանջարեղենու, ընդեղենում ու ճարպերում, բայց դրանց մեջ քանակն ավելի քիչ է, քան ձկան մեջ: Ստորև օմեգա 3 ճարպաթթուների որոշ բուսական աղբյուրներն են.

•     հունական ընկույզ, ընկույզի յուղ,
•     սոյայի մթերք ու սոյայի յուղ,
•     կանճրակի յուղ,
•     սպանախ,
•     մանանեխի տերեւներ,
•     հացահատկի սաղմերը,
•     մրգեր, բանջարեղեն ու շոկոլադ:

Մրգերը, բանջարեղենն ու մուգ շոկոլադը օրգանիզմին մատակարարում են հակաօքսիդանտներ ու վիտամիններ, որոնք մեզ պաշտպանում են ազատ ռադիկալներից ու այն վնասից, որ դրանք կարող են հասցնել:

Շատ հակաօքսիդանտներ կան նաեւ լոլիկի ու այն ամենի մեջ, որոնք պատրաստվում են լոլիկից (տոմատ, կետչուպ): Ահա հակաօքսիդանտների եւս մի քանի լավ աղբյուր.

•     ելակ,
•     ցիտրուսայիններ՝ նարինջ, թուրինջ, կիտրոն, լայմ,
•     մուսկուսային սեխ,
•     ծիրան,
•     բրոկոլի,
•     քաղցր կարտոֆիլ,
•     սպանախ:

Ինչ վերաբերում է շոկոլադին, նախապատվությունը ցանկալի է տալ այն շոկոլադին, որի մեջ առնվազն 60-70 տոկոս կակաո կա:

Հարցեր, պատասխաններ, մեկնաբանություններ